SOME OF THE MOST USEFUL Windows RUN COMMANDS...

know there are a lot of people who love using the run prompt or the command prompt rather than using the control panel So here are some quick tips and tricks that you can use directly in the run box . 

Accessibility Controls : access.cpl

Add Hardware Wizard : hdwwiz.cpl

Add/Remove Programs : appwiz.cpl

Administrative Tools : control admintools

Automatic Updates : wuaucpl.cpl

Bluetooth Transfer Wizard : fsquirt

Calculator : calc

Certificate Manager : certmgr.msc

Character Map : charmap

Check Disk Utility : chkdsk

Clipboard Viewer : clipbrd

Command Prompt : cmd

Component Services : dcomcnfg

Computer Management : compmgmt.msc

Date and Time Properties : timedate.cpl

DDE Shares : ddeshare

Device Manager : devmgmt.msc

Direct X Control Panel (If Installed)* : directx.cpl

Direct X Troubleshooter : dxdiag

Disk Cleanup Utility : cleanmgr

Disk Defragment : dfrg.msc

Disk Management : diskmgmt.msc

Disk Partition Manager : diskpart

Display Properties : control desktop

Display Properties : desk.cpl

Display Properties (w/Appearance Tab Preselected) : control color

Dr. Watson System Troubleshooting Utility : drwtsn32

Driver Verifier Utility : verifier

Event Viewer : eventvwr.msc

File Signature Verification Tool : sigverif

Findfast : findfast.cpl

Folders Properties : control folders

Fonts : control fonts

Fonts Folder : fonts

Free Cell Card Game : freecell

Game Controllers : joy.cpl

Group Policy Editor (XP Prof) : gpedit.msc

Hearts Card Game : mshearts

Iexpress Wizard : iexpress

Indexing Service : ciadv.msc

Internet Properties : inetcpl.cpl

IP Configuration (Display Connection Configuration) : ipconfig /all

IP Configuration (Display DNS Cache Contents) : ipconfig /displaydns

IP Configuration (Delete DNS Cache Contents) : ipconfig /flushdns

కిడ్నీలలో స్టోన్స్ ఎందుకు వస్తాయి...? తీసుకోవాల్సిన జాగ్రత్తలు...

ఆధునికతతో మారిన జీవన శైలి, ఆహార అలవాట్లు ఎన్నో రకాల ఆరోగ్య సమస్యలను తెచ్చిపెడుతున్నాయి. మూత్ర పిండాల్లో రాళ్లు, కిడ్నీ కేన్సర్ వంటివైతే చాప కింద నీరులా తెలియకుండానే విస్తరిస్తున్నాయి. పెద్ద వయస్సు వారే కాదు.. ఇటీవలి కాలంలో 30 - 35 ఏళ్ల వయసున్న వారిలోనూ ఈ సమస్యలు కనిపిస్తున్నాయి. మూత్ర పిండాలు దెబ్బతినడంతో ఆ ప్రభావం శరీరంలోని ఇతర అవయవాలపైనా పడి.. కాలేయ సమస్యలు, గుండె జబ్బులు, మూత్రాశయ, మూత్రనాళ ఇన్ఫెక్షన్లు కమ్ముకుంటున్నాయి. చివరికి వృద్ధాప్యం వచ్చే సరికి శరీరంలో సత్తువ పూర్తిగా క్షీణించే ప్రమాదం ఉంటుంది. ప్రపంచవ్యాప్తంగా ప్రతి ఐదుగురిలో ఒకరు ఏదో ఒక రకమైన కిడ్నీ సంబంధిత సమస్యతో బాధపడుతున్నట్లు అంచనా. మరి శరీరంలో కిడ్నీల ప్రాధాన్యత ఏమిటి, వాటి పనితీరు ఎలా ఉంటుంది? కిడ్నీల్లో రాళ్లు ఎందుకు, ఎలా ఏర్పడతాయి? కిడ్నీ జబ్బులు, సమస్యల నుంచి ఎలా బయటపడొచ్చనే అంశాలను వివరంగా తెలుసుకుందాం..

మన పిడికిలి పరిమాణంలో..

మన శరీరం వెనుక భాగంలో నడుము ప్రాంతంలో వెన్నెముకకు ఇరువైపులా మూత్ర పిండాలు ఉంటాయి. ఎవరి పిడికిలి ఎంత ఉంటుందో అంతే పరిమాణంలో వారి కిడ్నీలు ఉంటాయి. వీటిలో నెఫ్రాన్లు అని పిలిచే అతి చిన్న ఫిల్టర్లు కొన్ని లక్షల సంఖ్యలో ఉంటాయి. ఒక్కో నెఫ్రాన్ లో గ్లోమెరులస్, ట్యూబ్యుల్ అనే రెండు భాగాలు ఉంటాయి. కిడ్నీల్లోని నెఫ్రాన్ల ద్వారా రక్తం సరఫరా అయినప్పుడు.. తొలుత గ్లోమెరులస్ రక్తంలోని విషపదార్థాలను, పలు రకాల రసాయనాలు, ద్రవ పదార్థాలను జల్లెడ పడుతుంది. తర్వాత వీటిని ట్యూబ్యుల్ మరోసారి జల్లెడ పట్టి శరీరానికి అవసరమైన మినరల్స్ ను సంగ్రహించి.. తిరిగి రక్తంలోకి పంపుతుంది. ఇక వ్యర్థాలు మూత్రం రూపంలో యుటెరరీ నాళాల ద్వారా ప్రవహించి మూత్రాశయం (బ్లాడర్)లో నిల్వ అవుతాయి. తర్వాత మూత్ర నాళం ద్వారా విసర్జింపబడుతుంది. కిడ్నీలు సరిగా పనిచేయకపోతే శరీరం విషపూరితమై.. చివరికి మరణం కూడా సంభవిస్తుంది.

కిడ్నీలు చేసే పని ఏమిటి?

శరీరంలోని వ్యర్థాలు, విష పదార్థాలను జల్లెడ పట్టి విసర్జించడం మూత్ర పిండాల ప్రధాన విధి. 
ఎర్ర రక్త కణాల తయారీకి, ఎముకలు ఆరోగ్యంగా ఉండడానికి తోడ్పడే హార్మోన్లను, రక్తపోటును నియంత్రించే హార్మోన్లను కిడ్నీలు తయారు చేస్తాయి. 
కిడ్నీలు రోజూ 110 నుంచి 145 లీటర్ల రక్తాన్ని జల్లెడ పట్టి... నీరు, వ్యర్థాలతో కూడిన లీటరు నుంచి రెండు లీటర్ల మూత్రాన్ని బయటకు విసర్జిస్తాయి. (మనుషుల్లో మొత్తంగా ఉండే రక్తం 4.5 లీటర్ల నుంచి 5 లీటర్లే. అయితే రక్తం శరీర కణాలకు ఆక్సిజన్ ను అందించి, వ్యర్థాలను తీసువచ్చే పనిని నిరంతరాయంగా కొనసాగిస్తూనే ఉంటుంది. ఈ క్రమంలో శరీరం మొత్తం రోజుకు 20 - 30 సార్లు తిరుగుతుంది.)

సమస్యలకు కారణాలేమిటి?

విపరీత ఆహార అలవాట్లు, జీవన శైలి, జన్యు వ్యాధులు, రక్తపోటు, మధుమేహం వంటి వ్యాధులు, మూత్రనాళ ఇన్ఫెక్షన్లు, ఆల్కాహాల్ ఎక్కువగా తీసుకోవడం వంటివి కిడ్నీ సమస్యలకు కారణమవుతాయి. 
కిడ్నీ సమస్యలు ముదిరితే చివరికి అవి పూర్తిగా పనిచేయకుండా పోతాయి. 
విటమిన్ సి, కాల్షియం సప్లిమెంట్లను అధికంగా తీసుకోవడం వల్ల కూడా కిడ్నీల్లో రాళ్లు ఏర్పడుతాయి. 
రెండు కిడ్నీలు కూడా బాగా దెబ్బతింటే కిడ్నీ ట్రాన్స్ ప్లాంట్ చేయించుకోవడం లేదా జీవితాంతం డయాలసిస్ చేయించుకోవడం తప్పనిసరి. 
సాధారణంగా సరైన జాగ్రత్తలు తీసుకుంటే ఒక కిడ్నీతో కూడా మనిషి పూర్తి ఆరోగ్యంగా జీవించగలడు. కాబట్టి సంపూర్ణ ఆరోగ్యవంతులు కిడ్నీ చెడిపోయిన తమ కుటుంబ సభ్యులకు కిడ్నీని దానం చేయవచ్చు.

మూత్ర పిండాలకు వచ్చే సమస్యలేమిటి?

మూత్ర పిండాల్లో రాళ్లు ఏర్పడడం, బ్యాక్టీరియా ఇన్ఫెక్షన్లు వంటివి సాధారణంగా ఏర్పడే సమస్యలు. ఇక ఎక్కువగా వచ్చే కేన్సర్లలో మూత్ర పిండ కేన్సర్ ఒకటి. రెనల్ సెల్ కార్సినోమాగా దీనిని పిలుస్తారు. క్రానిక్ కిడ్నీ డిసీజ్ (సీకేడీ), యూరినరీ ట్రాక్ట్ ఇన్ఫెక్షన్, పాలీసిస్టిక్ కిడ్నీ డిసీజ్ (పీకేడీ) వంటి సమస్యలు తలెత్తుతాయి.

కిడ్నీల్లో రాళ్లతో ఎన్నో సమస్యలు

మూత్ర పిండాల్లో రాళ్ల సమస్య చాలా మందికి తెలిసినదే. కిడ్నీలు రక్తంలో నుంచి జల్లెడ పట్టిన ఖనిజాలు, ఆమ్ల లవణాలు ఒకదానికొకటి కలసి గట్టిపడి రాళ్లలా రూపొందుతాయి. కుటుంబ సభ్యుల్లో ఎవరికైనా రాళ్లుంటే మిగతా వారికీ ఏర్పడే అవకాశం ఎక్కువ. ఇక ఇంతకు ముందు కిడ్నీల్లో రాళ్లు ఏర్పడిన వారికి ఏ మాత్రం అజాగ్రత్తగా ఉన్నా మళ్లీ రాళ్లు వస్తాయి. శరీరానికి తగినంత మోతాదులో నీరు అందకపోవడం వల్లే కిడ్నీల్లో రాళ్లు ఏర్పడే అవకాశం ఉంటుంది. ఎందుకంటే రక్తంలో పరిమితికి మించి ఉన్న కాల్షియం, ఆక్సలేట్, యూరేట్, ఫాస్పేట్, సిస్టిన్, వంటి రసాయనాలు, ఆమ్లాలు, నీరు వంటి ద్రవాలను కిడ్నీలు వడగడతాయి. నీటి శాతం తక్కువగా ఉన్నప్పుడు ఇలా వడగట్టిన రసాయనాలు బాగా చిక్కగా ఉండి.. ఒకదానికొకటి అతుక్కుని గట్టిపడతాయి. అవే చివరికి రాళ్లలా మారుతాయి. కాలం గడిచిన కొద్దీ ఈ రాళ్ల పరిమాణం పెరుగుతూ ఉంటుంది. ఈ రాళ్లు ఇసుక రేణువులంత పరిమాణం నుంచి నిమ్మకాయల సైజు వరకూ ఉండవచ్చు. అయితే రాళ్లు చిన్నగా ఉన్నప్పుడే నీరు ఎక్కువగా తీసుకుంటే అవి మూత్రం ద్వారా వెళ్లిపోతాయి. చాలా మంది సాధారణ వ్యక్తుల్లో ఇలా జరుగుతూ ఉంటుంది. కొందరిలో మాత్రం రాళ్లు పెద్దవై మూత్ర పిండంలోగానీ, నాళాల్లోగానీ ఇరుక్కుపోతాయి. దానివల్ల విపరీతమైన నొప్పి కలుగుతుంది. మూత్రం మంటగా ఉంటుంది. రక్త స్రావం కనబడుతుంది.

ఈ సమస్య ఎవరికి వస్తుంది?

తగినంత మోతాదులో నీళ్లు తాగని వారికి కిడ్నీల్లో రాళ్లు ఏర్పడే అవకాశం ఎక్కువ. చక్కెర, ఉప్పు, ప్రొటీన్లు ఎక్కువగా ఉండే ఆహారం తీసుకోవడం, ఊబకాయం, కాల్షియం సప్లిమెంట్లు అధికంగా తీసుకోవడం, విపరీతంగా ఆల్కాహాల్ వినియోగం, గ్యాస్ట్రిక్ సమస్యలకు చికిత్స పొందుతున్నవారికి, కుటుంబ సభ్యుల్లో ఎవరికైనా రాళ్ల సమస్య ఉన్న వారికి రాళ్లు వస్తాయి. వీటిలో కాల్షియం, ఆక్సలేట్లు కలసి గట్టి పడడం వల్ల ఏర్పడే ఆక్సలేట్ రాళ్లు, యూరిక్ యాసిడ్ రాళ్లు, కాల్షియం రాళ్లు, స్ట్రువైట్ స్టోన్స్ తదితరాలు ఉంటాయి. పురుషుల్లో 19 శాతం మందికి, స్త్రీలలో 9 శాతం మందికి కిడ్నీల్లో రాళ్లు వచ్చే అవకాశం ఉంటుంది.

రాళ్లుంటే కనబడే లక్షణాలు

సాధారణంగా 20 ఏళ్ల నుంచి 50 ఏళ్ల మధ్య వయసు వారిలో మూత్ర పిండాల్లో రాళ్లు ఏర్పడే అవకాశం ఉంటుంది. 
రాళ్లు ఉన్నవారికి ముఖ్యంగా నడుము కింది భాగంలో ఒకవైపు తరచూ విపరీతమైన నొప్పి వస్తుంది. ఈ నొప్పి కొన్నిసార్లు పొత్తి కడుపు వరకూ ఉంటుంది. 
మూత్రం విసర్జించేటపుడు నొప్పి, మంట వస్తాయి. మూత్రంలో రక్త స్రావం కనిపిస్తుంది. 
మూత్రం ఎరుపు, గోధుమ రంగులో వస్తుంది, దుర్వాసన ఉంటుంది. తరచుగా కొద్ది కొద్దిగా మూత్రం వస్తుంది. 
కొందరిలో విపరీతమైన నీరసం, వాంతులు, జ్వరం వంటి లక్షణాలు కూడా ఉంటాయి. 
రక్త, మూత్ర పరీక్షల్లో కాల్షియం, యూరిక్ యాసిడ్ స్థాయులను గుర్తించడం ద్వారా రాళ్లు ఉన్నట్లుగా గుర్తించవచ్చు. ఇక సీటీ స్కాన్ ద్వారా అయితే రాళ్లు కిడ్నీలో ఉన్నాయా, నాళాల్లో ఉన్నాయా అనే అంశంతోపాటు వాటి పరిమాణాన్ని కూడా కచ్చితంగా గుర్తించవచ్చు. 
మూత్ర పిండాల్లో రాళ్లను తొలగించడానికి మూడు రకాల చికిత్సా విధానాలు అందుబాటులో ఉన్నాయి. 
రాళ్లు కరిగేందుకు కొన్ని రకాల ఔషధాలతో చికిత్స చేస్తారు. రాళ్లు చిన్నవిగా ఉంటే, అవి కూడా కిడ్నీలో ఉన్నప్పుడే ఈ చికిత్స పనిచేస్తుంది. అంతేగాకుండా ఈ ఔషధాలు దీర్ఘకాలం వాడాలి. ఈ సమయంలో కొన్ని రకాల ఆహార పదార్థాలకు దూరంగా ఉండాల్సి ఉంటుంది. లేకపోతే ఔషధాలు సరిగా పనిచేయవు. 
రాళ్లు కొంచెం పెద్దగా ఉండి, కిడ్నీల నుంచి బ్లాడర్ కు వెళ్లే నాళాల్లో ఇరుక్కుపోయినప్పుడు ‘షాక్ వేవ్ లితోట్రిప్సీ’ చికిత్స ద్వారాగానీ, లేజర్లతోగానీ వాటిని పగులగొడతారు. చిన్న ముక్కలు మూత్రం ద్వారా బయటకు వెళ్లిపోతాయి. 
రాళ్లు మరీ పెద్దగా ఉన్నప్పుడు శస్త్రచికిత్స (ఆపరేషన్) చేసి తొలగించాల్సి ఉంటుంది.

నీళ్లే అసలు ఔషధం

కిడ్నీలు సరిగా పనిచేయడానికి శరీరానికి తగినంత మోతాదులో నీళ్లు అందుతుండడం అవసరం. రోజూ 2 నుంచి 3 లీటర్ల నీళ్లు తాగితే రాళ్ల సమస్యకు దూరంగా ఉండొచ్చు. 
మూత్ర పిండాలు దెబ్బతిన్నవారిలో ఎక్కువ శాతం నీటిని సరిగా తాగకపోవడమో, డీహైడ్రేషన్ సమస్యలకు తరచూ గురై ఉండడమో కారణమని వెల్లడైనట్లు అమెరికన్ శాస్త్రవేత్త డాక్టర్ బక్ పార్కర్ తన పరిశోధనా పత్రంలో వెల్లడించారు. కూల్ డ్రింకులు, కాఫీ వంటి కెఫీన్ ఎక్కువగా ఉండే పదార్థాలకు దూరంగా ఉండాలని.. నీటిని ఎక్కువగా తీసుకోవాలని సూచించారు. 
ముఖ్యంగా ఆల్కాహాల్ తీసుకోవడం వల్ల శరీరంలో డీహైడ్రేషన్ సమస్య తలెత్తుతుంది. అందువల్ల ఆల్కాహాల్ కు దూరంగా ఉండడం మంచిది. 
విటమిన్లు, ముఖ్యంగా విటమిన్ బి9 (ఫోలిక్ యాసిడ్), విటమిన్ ఏ లు కిడ్నీలు సరిగా పనిచేయడానికి తోడ్పడుతాయని అమెరికాలోని ఆరెంజ్ కోస్ట్ మెమోరియల్ మెడికల్ సెంటర్ వైద్యులు క్రిస్టిన్ ఆర్థర్ వెల్లడించారు. 
ఆహారంలో కొవ్వు పదార్థాలు తక్కువగా ఉండేలా చూసుకోవడం, ఉప్పు తక్కువగా తీసుకోవడం మంచిది. మాంసాహారం తగ్గించి కూరగాయలు, పండ్లు ఎక్కువగా తీసుకోవాలి. 
పొగాకు ఉత్పత్తులు, సిగరెట్లు, బీడీల వంటివాటికి దూరంగా ఉండడం శ్రేయస్కరం. 
కిడ్నీ సమస్యలు తలెత్తిన వారు కచ్చితంగా వారి రక్తపోటును నియంత్రణలో ఉంచుకోవాలి. లేకపోతే కిడ్నీలు మరింతగా దెబ్బతింటాయి. 
కిడ్నీల్లో ఏర్పడిన రాళ్లను బట్టి మనం తీసుకునే ఆహారంలో మార్పులు చేసుకోవాల్సి ఉంటుంది. మూత్ర పరీక్షల ద్వారా ఆ రాళ్లు ఏ తరహావి అనేది నిర్ధారిస్తారు. 
కాల్షియం ఆక్సలేట్ రాళ్లు ఏర్పడినవారు బచ్చలికూర, చుక్కకూర, గోధుమ మొలకలు, నట్స్, ముల్లంగి ఆకులు వంటివాటికి దూరంగా ఉండాలి. 
యూరిక్ యాసిడ్ రాళ్లున్నవారు అత్యధిక ప్రొటీన్లు ఉండే ఆహారాన్ని బాగా తగ్గించాలి. ఎందుకంటే శరీరంలో యూరిక్ యాసిడ్ ఉత్పత్తికి ప్రొటీన్లు దోహదం చేస్తాయి. 
కాల్షియం రాళ్లున్నవారు ఉప్పు తగ్గించాలి. కాల్షియం సప్లిమెంట్లు వాడకూడదు. ఎందుకంటే ఉప్పులోని సోడియం కారణంగా శరీరం కాల్షియం ను ఎక్కువగా విసర్జిస్తుంది. అది కిడ్నీల్లో రాళ్లుగా మారుతుంది.

కిడ్నీ ఇన్ఫెక్షన్లు

కిడ్నీలకు ఇన్ఫక్షన్లు సోకడానికి ప్రధాన కారణం ఒక రకమైన బ్యాక్టీరియా. ఈ బ్యాక్టీరియా తొలుత మూత్రాన్ని విసర్జించే నాళం ద్వారా బ్లాడర్ లోకి చేరుతుంది. అక్కడి నుంచి నాళాల ద్వారా కిడ్నీలకు చేరి ఇన్ఫెక్షన్ కలిగిస్తుంది. దీనిని గుర్తించి తగిన చికిత్స చేయకపోతే మూత్ర పిండాలు శాశ్వతంగా దెబ్బతినే ప్రమాదం ఎక్కువ.

క్రానిక్ కిడ్నీ డిసీజ్ (తీవ్రమైన మూత్ర పిండాల వ్యాధి)

మూత్ర పిండాలు క్రమ క్రమంగా దెబ్బతిని పూర్తిగా పనిచేయని స్థితికి వెళ్లే వ్యాధి ‘క్రానిక్ కిడ్నీ డిసీజ్’. దీనినే క్రానిక్ రెనల్ డిసీజ్ అని కూడా అంటారు. 50 ఏళ్లు పైబడిన వారిలో ఈ వ్యాధి వచ్చే అవకాశం ఎక్కువ. కిడ్నీలు దెబ్బతినడం మొదలైన తర్వాత రక్తంలో వ్యర్థ రసాయనాలు పేరుకుపోతూ విషంగా పరిణమిస్తాయి. దీంతో కిడ్నీలు మరింతగా దెబ్బతింటాయి. రక్తపోటు పెరుగుతుంది. రక్తంలో ఎర్రరక్త కణాలు తగ్గిపోయి ఎనీమియా వస్తుంది. 
శరీరంలో ఎముకలు బలహీనం అవుతాయి. నాడులు దెబ్బతింటాయి. చివరికి మరణం కూడా సంభవిస్తుంది. అధిక రక్తపోటు (బీపీ), మధుమేహం ఉన్న వారిలో ఈ వ్యాధి ఎక్కువగా వస్తుంది. ఈ వ్యాధుల కారణంగా కిడ్నీల్లో అంతర్గతంగా ఉండే సన్నని రక్త నాళాలు దెబ్బతింటాయి. దీంతో కిడ్నీలు వ్యర్థాలు, రసాయనాలను సరిగా జల్లెడ పట్టలేక.. అవి రక్తంలోనే ఉండిపోతాయి. అసలు ఈ వ్యాధిని ‘సైలెంట్ డిసీజ్’గా కూడా పిలుస్తారు. ఎందుకంటే ఈ వ్యాధి ముదిరేవరకూ లక్షణాలు పెద్దగా కనిపించవు. కుటుంబంలో ముందు తరాల వారెవరికైనా ఈ వ్యాధి ఉంటే వారి వారసులకు కూడా వచ్చే అవకాశం ఉంటుంది.

లక్షణాలు ఇవి..

విపరీతమైన నీరసం, ఆకలి మందగించడం, నిద్ర పట్టకపోవడం, దేనిపైనా సరిగా దృష్టి పెట్టలేకపోవడం, పాదాలు, చీల మండల వాపు, పొద్దున పూట కళ్ల చుట్టూ ఉబ్బడం, చర్మం ఎండిపోయి దురదగా అనిపించడం, సాధారణం కంటే ఎక్కువ సార్లు మూత్రానికి వెళ్లాల్సి రావడం, ముఖ్యంగా రాత్రిపూట మూత్రం ఎక్కువగా రావడం వంటి లక్షణాలు కనిపిస్తాయి. 
రక్తంలో క్రియాటినైన్ స్థాయులను పరీక్షించే ‘ఎస్టిమేటెడ్ గ్లోమెరులర్ ఫిల్టరేషన్ రేట్ (ఈజీఎఫ్ఆర్) టెస్టు, అల్బుమిన్-క్రియాటినైన్ నిష్పత్తిని పరిశీలించే ఏసీఆర్ లేదా మైక్రో అల్బుమిన్ టెస్టుల ద్వారా క్రానిక్ కిడ్నీ డిసీజ్ ను, దాని తీవ్రతను తెలుసుకోవచ్చు. 
ఇక అల్ట్రాసౌండ్, సీటీ స్కాన్ ల సహాయంతో కిడ్నీల పరిమాణం, వాటి పరిస్థితి, రాళ్లు, ట్యూమర్లేమైనా ఉన్నాయా అనే అంశాలను గుర్తించవచ్చు. 
మూత్ర పిండంలోని చిన్న భాగాన్ని సేకరించి (బయాప్సీ) పరీక్షించడం ద్వారా ఎంత వరకు దెబ్బతిన్నది, ఎలాంటి చికిత్స అవసరమనేది పరిశీలిస్తారు. 
‘క్రానిక్ కిడ్నీ డిసీజ్’కు నేరుగా చికిత్స చేసేందుకు ప్రత్యేకించిన ఔషధాలేమీ లేవు. అందువల్ల అసలు ఈ వ్యాధికి కారణమైన వాటిని నియంత్రించేందుకు వైద్యులు చర్యలు చేపడతారు. 
రక్తపోటును, మధుమేహాన్ని నియంత్రించడం, ఆరోగ్యకరమైన ఆహారం, రోజూ వ్యాయామం చేయడం తప్పనిసరి. ఇన్ఫెక్షన్లు ఏవైనా ఉంటే యాంటీ బయాటిక్ లతో చికిత్స చేస్తారు. 
మూత్ర పిండాల వ్యాధి ముదిరి అవి పూర్తిగా పనిచేయలేని పరిస్థితి నెలకొంటే.. ‘డయాలసిస్’ చేస్తారు.

పాలీసిస్టిక్ కిడ్నీ డిసీజ్ (పీకేడీ)

కిడ్నీల్లో ద్రవాలతో కూడిన కంతులు ఏర్పడడమే పాలీసిస్టిక్ కిడ్నీ డిసీజ్ (పీకేడీ). ఇది జన్యువుల్లో లోపం కారణంగా వారసత్వంగా సంక్రమించే వ్యాధి. సాధారణంగా ఈ వ్యాధి ముదిరే వరకు బయటపడే అవకాశం తక్కువ. కొందరిలో మాత్రం నొప్పి, మూత్రంలో రక్తం, అధిక రక్తపోటు వంటి లక్షణాలు కనిపిస్తాయి. అల్ట్రా సోనోగ్రఫీ, కంప్యూటెడ్ టోమోగ్రఫీ, ఎమ్మారై స్కానింగ్ ల ద్వారా ఈ వ్యాధిని గుర్తించవచ్చు. ఈ వ్యాధి వచ్చిన వారిలో సగం మందికిపైగా కచ్చితంగా నిత్యం డయాలసిస్ చేయడమో లేదా కిడ్నీ మార్పిడి చేయడమో తప్పదు. ఈ వ్యాధి ఉన్నవారిలో 30 శాతం మందికి కాలేయంలోనూ కంతులు ఏర్పడుతాయి. అయితే కాలేయం పనితీరు పెద్దగా దెబ్బతినదు. కానీ రక్తనాళాలు దెబ్బతిని గుండె, మెదడులో రక్తస్రావం జరిగే అవకాశం ఉంటుంది. పక్షవాతం రావొచ్చు. జన్యువుల్లో రెండు రకాల లోపాల కారణంగా పాలీసిస్టిక్ కిడ్నీ డిసీజ్ వస్తుంది. డామినెంట్ జన్యువుల ద్వారా వచ్చే పాలీసిస్టిక్ డిసీజ్ దాదాపుగా యుక్త వయసు వచ్చే వరకు బయటపడదు. అదే రెసెస్సివ్ జన్యువుల వచ్చే వ్యాధి చిన్నతనంలోనే బయటపడుతుంది.

డయాలసిస్ ఎన్ని విధాలు..

వ్యాధి ముదిరి మూత్ర పిండాలు దాదాపుగా పనిచేయని పరిస్థితుల్లో ‘డయాలసిస్’ చేయాల్సి ఉంటుంది. రక్తాన్ని కిడ్నీలు శుద్ధి చేసే తరహాలోనే కృత్రిమ కిడ్నీల్లా పనిచేసే పరికరాల ద్వారా శుద్ధి చేయడమే డయాలసిస్. ఈ యంత్రాలను ‘హెమోడయలైజర్’ అంటారు. బాధితుల భుజం వద్దగానీ, కాలు వద్దగానీ చిన్న శస్త్రచికిత్స చేసి.. అక్కడి రక్తనాళానికి ‘హెమోడయలైజర్’ను అనుసంధానిస్తారు. హెమోడయాలసిస్ గా పిలిచే ఈ విధానంలో పరికరం శరీరం బయటే ఉంటుంది. రక్తం పైపుల ద్వారా హెమోడయలైజర్ కు వచ్చి, అక్కడ వ్యర్థాలు వడపోత అయిన తర్వాత తిరిగి శరీరంలోకి వెళుతుంది. 
ఇక మరో విధానం పెరిటోనియల్ డయాలసిస్. ఈ విధానంలో హెమోడయలైజర్ పరికరాన్ని శరీరం లోపలే అమర్చుతారు. పొట్ట ప్రాంతంలో శస్త్రచికిత్స చేసి ఒక ప్లాస్టిక్ ట్యూబ్ లేదా కాథటర్ ను అమర్చుతారు. ఇందులోకి ‘డయాలైసేట్’గా పిలిచే ప్రత్యేకమైన ద్రవాన్ని మెల్లగా నింపుతారు. పొట్టలోని అవయవాల చుట్టూ రక్షణగా ఉండే కండరపు పొర (అబ్డామెన్ వాల్) అవతలి వైపు ఉండే ఈ కాథటర్ లోని ద్రవం.. అక్కడి రక్తం నుంచి అదనపు రసాయనాలు, ద్రవాలు, వ్యర్థాలను పీల్చుకుంటుంది. తర్వాత వ్యర్థాలతో కూడిన ఈ డయాలైసేట్ ను బయటికి తీసేసి.. మళ్లీ తాజా డయాలైసేట్ తో నింపుతారు. దీనిలోనూ రెండు రకాలున్నాయి. నిర్ధారిత సమయాల్లో మాన్యువల్ గా డయాలైసేట్ ను నింపుతూ తొలగిస్తూ ఉండడం ఒకటి కాగా... సైక్లర్ అనే పరికరాన్ని వినియోగించడం రెండోది. ఈ పరికరం ఆటోమేటిగ్గా డయాలైసేట్ ను నింపుతూ, తొలగిస్తూ ఉంటుంది. 
(ఈ ఆర్టికల్ కేవలం పాఠకుల అవగాహన కోసం ఆయా నిపుణులు, అధ్యయనాల అభిప్రాయాలను క్రోడీకరించి రాసినది మాత్రమే)

ఆన్ లైన్ లో చౌకగా షాపింగ్ చేయడం ఎలా...?

ఇల్లు, ఆఫీసు ఎక్కడున్నా కావాల్సిన వస్తువులను ఆన్ లైన్ లో కొనేయడం ఇప్పుడు కామన్ అవుతోంది. ఆఫ్ లైన్ మార్కెట్ల కంటే ఈ-కామర్స్ సైట్లు ఆఫర్లతో దంచేస్తుంటాయి. పలు రకాల కారణాల వల్ల ఆన్ లైన్ లో కొన్ని చాలా చౌక ధరలకే లభ్యమవుతుంటాయి. కాస్త టైమ్ కేటాయిస్తే ఆన్ లైన్ షాపింగ్ లో ఇంకాస్త ఆదా చేసుకోవడానికి పలు మార్గాలు ఉన్నాయి.

తక్కువ ధర ఎక్కడుందో ఎలా తెలుసుకోవాలంటే...!

డ్రెస్సెస్, ఎలక్ట్రానిక్ ఉత్పత్తులు, ఫర్నిచర్, హోంనీడ్స్, హౌస్ కీపింగ్ చివరికి సబ్బులు, పప్పులు, ఉప్పు కూడా ఆన్ లైన్ మార్కెట్లలో అమ్మేస్తున్నారు. ముందు కొనాల్సినవి ఏంటనేవి అనుకున్న తర్వాత... ఆ వస్తువు ఏ షాపింగ్ సైట్లలో తక్కువ ధరకు లభిస్తుందో తెలుసునే ప్రయత్నం చేయాలి. బై హట్కే.కామ్ అనే సైట్ గూగుల్ క్రోమ్ బ్రౌజర్ ఎక్స్ టెన్షన్ అందిస్తోంది. దీనిని డౌన్ లోడ్ చేసుకుంటే... క్రోమ్ బ్రౌజర్ లో మీరు ఒక ఉత్పత్తి గురించి ఏదేనీ ఈ కామర్స్ సైట్ లో చూస్తుంటే... అదే వస్తువు వివిధ సైట్లలో తక్కువ ధరకు లభిస్తోందో ఆటేమేటిక్ గా మేసేజ్ రూపంలో బ్రౌజర్ లోనే చూపిస్తుంది. ఆన్ లైన్ లో ప్రైస్ కంపారిజన్ సైట్లు కూడా ఉన్నాయి. mysmartprice.com, shopmania.in, www.compareraja.in వంటివి కొన్ని. ఇంకా చాలానే ఉన్నాయి.

డిస్కౌంట్ల వివరాలు...

ఫలానా వస్తువు చౌక ఎక్కడో తెలుసుకోవడం పూర్తయితే... ఇప్పుడు ఆయా సైట్ లలో డిస్కౌంట్ లు ఉన్నాయా? లేదా? పరిశీలించాలి. కొన్ని ఇంత శాతమని అదనపు డిస్కౌంట్ ఇస్తుంటాయి. ఒక సైట్ లో ఓ వస్తువు అతి తక్కువగా రూ.100 ఉందనుకుందాం. కానీ ఆ సైట్ లో ఎలాంటి డిస్కౌంట్ ఆఫర్లు లేవు. అదే వస్తువు రూ. 110 ధర ఉన్న మరో సైట్ లో 20 శాతం డిస్కౌంట్ ఆఫర్ ఉంటే రూ.88కే లభిస్తుంది. అందుకే ఆన్ లైన్ షాపింగ్ లో తెలివిగా వ్యవహరించాలి. 
ప్రైస్ కంపారిజన్ సైట్లు, మొబైల్ రీచార్జ్ సైట్లు కూడా పలు సైట్లకు సంబంధించి డిస్కౌంట్ కూపన్లు అందిస్తుంటాయి. అలాంటివి పరిశీలించాలి. వెబ్ సైట్ లో కంటే యాప్ లో కొంటే కొన్ని మరింత తగ్గింపు ధరలకే అందిస్తుంటాయి. అలాంటి ఆఫర్లు ఉన్నాయేమో సదరు ఈ కామర్స్ సైట్లలో ఆఫర్ల కోసం సెర్చ్ చేయాలి. ఉంటే సంబంధిత ప్రొమో కోడ్ ను వస్తువుకు ధర చెల్లించే ముందు నమోదు చేయాల్సి ఉంటుంది. అది మరిచిపోతే డిస్కౌంట్ వర్తించదు. ఫ్లిప్ కార్ట్, స్నాప్ డీల్ వంటి సంస్థలు అయితే, ఫలానా బ్యాంకు డెబిట్, క్రెడిట్ కార్డులతో కొనుగోలు చేస్తే 5 నుంచి 10 శాతం డిస్కౌంట్ అంటూ తరచుగా ఆఫర్ చేస్తుంటాయి. ఆయా కార్డుల ద్వారా కొనుగోలు చేయడం వల్ల మరింత ఆదా చేసుకోవచ్చు. ఈబే సంస్థ అయితే, తరచూ ఎంతో కొంత డిస్కౌంట్ కూపన్లు ప్రకటిస్తుంటుంది. పెప్పర్ ఫ్రై సంస్థ రిజిస్టర్డ్ యూజర్లకు డిస్కౌంట్ కోడ్స్ ను ఆఫర్ చేస్తూ ఉంటుంది.

పండుగ సమయాల్లో...

దీపావళి, న్యూ ఇయర్, ఇండిపెండెన్స్ డే, బిగ్ సేల్ డేస్, యాప్ డేస్ పేరుతో ఈ కామర్స్ సైట్లు విక్రయ కార్యకలాపాలు నిర్వహిస్తూ ఉంటాయి. వెంటనే కొనాల్సిన అవసరం లేకుంటే డిస్కౌంట్ కోసం వేచి చూడవచ్చు. కొన్ని వస్తువులు కేంద్ర ఆర్థిక బడ్జెట్ లో పన్నుల్లో మార్పుల కారణంగా తగ్గడం, పెరగడం జరుగుతుంది. అవి కూడా గమనించాలి. ధర తగ్గినప్పుడు మీకు సమాచారం ఇచ్చేందుకు cheapass.in వంటి సైట్లు కూడా ఉన్నాయి. ఆయా సైట్లో వివరాలు నమోదు చేసుకుంటే ఆ వస్తువు ధర తగ్గిన వెంటనే సమాచారం వస్తుంది.

ఇదో ట్రిక్!

ఏదైనా వస్తువును కొనాలి అనుకున్నప్పుడు సంబంధిత వస్తువును కొనుగోలు చేసేందుకు షాపింగ్ కార్డ్ కు యాడ్ చేసి అలా ఉంచేయండి. కొన్ని సందర్భాల్లో ఆయా సంస్థలు షాపింగ్ కార్ట్ లో ఉన్నవాటి కొనుగోలు పూర్తి చేసేందుకు ప్రత్యేక డిస్కౌంట్ ఆఫర్ చేస్తాయి. ఇక మొబిక్ విక్ డాట్ కామ్, పేటీఎం డాట్ కామ్ వంటి సంస్థలు తమ వ్యాలెట్ల ద్వారా (అంటే ముందుగా ఆయా సైట్లలో నమోదు చేసుకుని ఉండాలి) వివిధ సైట్లలో కొనుగోలు చేస్తే ఇంత మొత్తం తగ్గింపును, క్యాష్ బ్యాక్ ను ఆఫర్ చేస్తుంటాయి. మీకు రెండు మూడు ఈ మెయిల్స్ ఉంటే జాక్ పాటే. న్యూ యూజర్లకు అన్ని సైట్లూ తగ్గింపు ఆఫర్లు ఇస్తుంటాయి. అందుకే కొత్త మెయిల్ ఐడీ ద్వారా కొత్త వినియోగదారుడిగా నమోదై డిస్కౌంట్ పొందవచ్చు.

అవసరం లేకుంటే ఆ వైపు కూడా చూడొద్దు

ఈ కామర్స్ సంస్థల మధ్య విక్రయాల పోటీ తారా స్థాయికి చేరింది. ప్రతీ సంస్థ విక్రయాలు, ఆదాయాలు పెంచుకునేందుకు డిస్కౌంట్లు, ఆఫర్ల మోత మోగిస్తుంటాయి. నిజంగా కొనాల్సిన అవసరం ఉంటేనే పైన చెప్పిన చిట్కాలతో తెలివిగా చౌకగా కొనుగోలు చేసుకోవడం సరైనది. అవసరం లేని వస్తువులను ఆఫర్ల మోజులో కొని జేబులు గుల్ల చేసుకోవడం తెలివి అనిపించుకోదు.

బ్యాంక్ అక్కౌంట్స్ రకాలు గురించి తెలుసుకోండి...!

బ్యాంకుల్లో సేవింగ్స్, కరెంట్, డిపాజిట్ ఖాతాలు ఇలా చాలానే ఉన్నాయి. ప్రతీ వ్యక్తి తన అవసరాల మేరకు ఎన్ని ఖాతాలైనా కలిగి ఉండవచ్చు. కానీ ఈ ఖాతాల నిర్వహణకు సంబంధించిన నిబంధనలు వేర్వేరుగా ఉంటాయి. ఏ ఖాతా ఎలా పనిచేస్తుందో తెలుసుకుంటే తమకు ఏ ఖాతా అనువైనదో తెలుస్తుంది. అలాగే ఓ వ్యక్తికి వాస్తవంగా ఎన్ని ఖాతాలుంటే ప్రయోజనం…అన్నది కూడా తెలుసుకుందాం.

సేవింగ్స్ అకౌంట్

వ్యక్తులు, హిందూ అవిభాజ్య కుటుంబం, స్వచ్చంద సంస్థలు మాత్రమే సేవింగ్స్ ఖాతా తెరిచేందుకు అనుమతి ఉంది. వ్యక్తిగతంగానూ లేదా మరొకరి భాగస్వామ్యంతోనూ కలసి ఖాతా తెరవచ్చు. స్వయంగా నిర్వహించేందుకు... లేదా తమ తరఫున మరొకరు నిర్వహించేందుకు పవర్ ఆఫ్ ఆటార్నీ ఇవ్వడానికి కూడా అనుమతి ఉంది. కనీస నగదు నిల్వను అన్ని వేళలా ఉంచాలి. ఆ మొత్తంపై వివిధ బ్యాంకులు 4 నుంచి 6 శాతం వరకు వడ్డీ చెల్లిస్తున్నాయి. ఖాతాతోపాటు ఏటీఎం కమ్ డెబిట్ కార్డు, ఇంటర్నెట్ బ్యాంకింగ్, మొబైల్ బ్యాకింగ్, చెక్ బుక్ సదుపాయాలను బ్యాంకులు అందిస్తున్నాయి. అలాగే, ఖాతాతోపాటు బీమా, లాకర్ సౌకర్యాలను కూడా పొందవచ్చు. కనీస నిల్వ మొత్తాన్ని ఉంచడంలో విఫలమైతే బ్యాంకులు 30 రూపాయలు మొదలుకొని 750 రూపాయల వరకు జరిమానా విధిస్తున్నాయి. ఎక్కువ మొత్తంలో నగదు నిల్వ ఉంచే కస్టమర్ల కోసం సేవింగ్స్ ఖాతాలనే భిన్న రకాల సౌకర్యాలతో రకరకాల పేర్లతోనూ బ్యాంకులు అందిస్తున్నాయి. ఈ ఖాతాదారులకు కోరినన్ని చెక్ బుక్ లు, ఉచిత డీడీలు, ఉచిత ఫోన్, ఇంటర్నెట్ బ్యాకింగ్, ఇంటి ముంగిటకే బ్యాకింగ్ ఇతరత్రా సదుపాయాలు కల్పిస్తున్నాయి. సేవింగ్స్ ఖాతాలను భిన్న రకాల ప్రయోజనాలతో ఆటో స్వీప్, శాలరీ ఇలా వివిధ పేర్లతో బ్యాంకులు అందిస్తున్నాయి.

తాత్కాలిక అవసరాలకు మాత్రమే

ఇంట్లో, పాకెట్ లో ఎక్కువ నగదు ఉంచుకోకుండా... సేవింగ్స్ ఖాతాల్లో ఉంచుకోవడం వల్ల ఎప్పుడు కావాలంటే అప్పుడు డెబిట్ కార్డుల ద్వారా పొందవచ్చు. అదే సమయంలో సేవింగ్స్ ఖాతాల్లో ఎక్కువ నగదు ఉంచుకోవడం కూడా సరైనది కాదు. ఎందుకంటే సేవింగ్స్ ఖాతాల్లోని నగదు నిల్వలపై వడ్డీ రేటు ద్రవ్యోల్బణం కంటే తక్కువగా ఉంది. ద్రవ్యోల్బణ ప్రభావాన్ని తీసివేయగా వచ్చేది నికర నష్టం మాత్రమే. అందుకే ఒక నెల రోజుల అవసరాలకు మించి నగదును ఉంచుకోకపోవడమే సరైనది.

ఆటో స్వీప్ అకౌంట్

సేవింగ్స్ ఖాతా ప్రయోజనాలతోపాటు నగదు నిల్వలను అధికంగా ఉంచుకునేవారు ఆటో స్వీప్ ఖాతాకు మారడం మంచిది. ఎందుకంటే కనీస నగదు నిల్వకు మించి ఉన్న మొత్తాన్ని బ్యాంకులు డిపాజిట్ గా మార్చి వాటిపై డిపాజిట్ వడ్డీ రేట్లను చెల్లిస్తాయి. దాంతో సేవింగ్స్ ఖాతా కంటే ఎక్కువ ప్రతిఫలాన్ని అందుకోవచ్చు. ఉదాహరణకు కనీస నిల్వ 10వేలుగా ఉంటే... ఖాతాలో నగదు 20వేలు ఉందనుకోండి. అప్పుడు అదనంగా ఉన్న 10వేల రూపాయలను బ్యాంకులు డిపాజిట్ గా మళ్లిస్తాయి. కొన్ని బ్యాంకులు మినిమమ్ బ్యాలన్స్ 10వేల పైన అదనంగా వెయ్యి రూపాయలు ఉన్నా దాన్ని ఒక డిపాజిట్ చొప్పున పరిగణిస్తుండగా... కొన్ని కనీసం 5వేలు, మరికొన్ని కనీసం 10వేల మొత్తాన్ని డిపాజిట్ కింద తీసుకుంటున్నాయి. 
అయితే, ఇందులోనూ బ్యాంకులను బట్టి నిబంధనలు వేర్వేరుగా ఉన్నాయి. కొన్ని కనీసం ఏడాది కాలాన్ని పరిగణనలోకి తీసుకుంటుండగా కొన్ని ఒక్క రోజుకు కూడా వడ్డీ చెల్లిస్తున్నాయి. కొన్ని బ్యాంకులు నిర్ణీత కాలపరిమితి కంటే ముందే డిపాజిట్ లోని నగదును ఉపసంహరించుకుంటే సాధారణ సేవింగ్స్ బ్యాంకు ఖాతా వడ్డీ రేటునే అందిస్తున్నాయి. కొన్ని జరిమానా కూడా విధిస్తున్నాయి. కనుక ఆటో స్వీప్ ఖాతాకు మారే ముందు నిబంధనలు తెలుసుకోవాలి.

వేతన ఖాతాలు

వేతన ఖాతాలు అంటే బ్యాంకులకు ఎంతో ఇష్టం. ఎందుకంటే ఖాతాల్లో నెల నెలా వేతనాలు జమ అవుతుంటాయి. ఎక్కువ మంది ఆ నగదును వెంటనే ఉపసంహరించుకోకుండా చాలా రోజులు అట్టే పెడతారు. అవసరాలకు కావాల్సినంతే ఉపసంహరించుకుంటారు. బ్యాంకులకు ఇదే బెనిఫిట్. నిజానికి వేతన ఖాతాల్లో కనీస నగదు నిల్వలు ఉంచాల్సిన పనిలేదు. జీరో బ్యాలన్స్ ఖాతాలు అవి. వేతన ఖాతాలను ఎవరికివారు వ్యక్తిగతంగా తీసుకునేందుకు అవకాశం లేదు. కంపెనీలు, సంస్థలే బ్యాంకులతో ఒప్పందం చేసుకుని తమ ఖాతాదారుల పేరిట ఖాతాలను తెరుస్తుంటాయి. ఈ ఖాతాలకు బోలెడన్ని ప్రయోజనాలు ఉన్నాయి. ప్రతీ బ్యాంకు కూడా వేతన ఖాతాల్లోనే ప్రీమియం, ప్రయారిటీ, శాలరీ, శాలరీ ప్లస్, ప్లాటినం ఇలా రకరకాల పేర్లతో వివిధ అదనపు ప్రయోజనాలతో అందిస్తున్నాయి. 
ఉదాహరణకు ప్రైవేటు రంగంలో ప్రముఖ బ్యాంకు హెచ్ డీఎఫ్ సీ రెగ్యులర్ శాలరీ అకౌంట్, క్లాసిక్ శాలరీ అకౌంట్, ప్రీమియం శాలరీ అకౌంట్ ఇలా పలు రకాలను అందిస్తోంది. ఇవన్నీ జీరో బ్యాలన్స్ ఖాతాలే. డెబిట్ కార్డుతో షాపింగ్ చేస్తే ప్రతి వంద రూపాయలకు ఒక రూపాయిని వెనక్కి ఇస్తుంది. ఉచిత వ్యక్తిగత ప్రమాద బీమా కవరేజీ, కుటుంబ సభ్యుల్లో ఒకరికి జీరో బ్యాలన్స్ ఖాతాను ఆఫర్ చేస్తోంది. స్వంత ఏటీఎంలు, ఇతర బ్యాంకుల ఏటీఎంల్లో ఉచిత నగదు లావాదేవీలు, ఏటీఎంల నుంచి ఒక రోజులో 50 వేల నుంచి 75 వేల వరకు నగదు ఉపసంహరణ (ప్రభుత్వ బ్యాంకుల్లో అయితే ఇది 30వేల రూపాయలే ఉంది), షాపింగ్ అయితే ఒక రోజులో డెబిట్ కార్డు ద్వారా 1.75 లక్షల రూపాయల వరకు ఖర్చు చేసుకునే వెసులుబాటు ఉంది. పూర్తి వివరాలకు http://www.hdfcbank.com/ లింక్ చూడవచ్చు. యెస్ బ్యాంకు కూడా స్మార్ట్ శాలరీ అడ్వాంటేజ్, స్మార్ట్ శాలరీ ఎక్స్ క్లూజివ్, స్మార్ట్ శాలరీ ప్లాటినం ఖాతాలను అందిస్తోంది. వీటిలోని బెనిఫిట్స్ తెలుసుకోవాలంటే https://www.yesbank.in/ లింక్ చూడవచ్చు. సాధారణంగా జీరో బ్యాలన్స్, ఉచిత ఏటీఎం, డెబిట్ కార్డు (వార్షిక చార్జీలు లేకుండా), మల్టి సిటీ చెక్, ఓవర్ డ్రాప్ట్ (అంటే అవసరమైన సందర్భాల్లో నెల వేతనానికి ఒకటి నుంచి ఐదు రెట్ల వరకు నగదును డ్రా చేసుకోవచ్చు), నెలనెలా ఈ మెయిల్ కు ఖాతా స్టేట్ మెంట్, ఉచిత ఎస్ఎంఎస్ అలర్ట్స్, ఇంటికే వచ్చి చెక్ తీసుకోవడం, చెక్, డీడీ ఇవ్వడం ఇలా పిండికొద్దీ రొట్టె అన్నట్టు బ్యాంకులు ఎన్నో సౌకర్యాలు అందిస్తున్నాయి.

కరెంట్ ఖాతా

వ్యాపారస్తులు, రోజువారీ నగదు లావాదేవీలు నిర్వహించే వారికి కరెంటు ఖాతాలు అనువుగా ఉంటాయి. నగదు డిపాజిట్, ఉపసంహరణకు పరిమితి ఉండదు. ఎంత మొత్తమైనా డిపాజిట్ చేయడంతోపాటు డ్రా చేసుకోవచ్చు. చెక్ బుక్ ల విషయంలోనూ పరిమితి ఉండదు. వీటిలో ఉన్న మరో ప్రయోజనం రోజువారీ లావాదేవీలు, ఆయా ఖాతాదారుడి చరిత్ర ఆధారంగా బ్యాంకులు ఓడీ సౌకర్యాన్ని అందిస్తున్నాయి. అంటే ఖాతాలో నగదు కంటే అదనంగా డ్రా చేసుకోవచ్చు. ఈ ఖాతాల్లో 5 వేల నుంచి 25వేల రూపాయల వరకు నగదు నిల్వలు ఉంచడం తప్పనిసరి. దీనిపై బ్యాంకులు వడ్డీ చెల్లించవు.

ఓడీ అన్ డిపాజిట్

బ్యాంకులో మీకు ఓ 20వేల డిపాజిట్ ఉందనుకోండి. ఆ డిపాజిట్ పత్రాన్ని బీరువాలో భద్రంగా ఉంచారు. ఇంట్లో ఏదో అత్యవసర సందర్భం ఎదురై నగదు అవసరం ఏర్పడింది. ఎక్కడా అప్పు పుట్టలేదు. అప్పుడు బీరువాలో దాచి ఉంచిన డిపాజిట్ పత్రం ఎంతో ఉపయోగపడుతుంది. దాన్ని తీసుకుని జారీ చేసిన బ్యాంకు శాఖకు వెళ్లి ఓడీ అకౌండ్ ఓపెన్ చేసుకుంటే… 20వేల డిపాజిట్ పత్రాన్ని హామీగా ఉంచుకుని అందులో 75 నుంచి 90 శాతం వరకు రుణమిస్తారు. అంటే 15 వేల నుంచి 18 వేల రూపాయల వరకు రుణం లభిస్తుంది. రుణంపై వడ్డీ డిపాజిట్ పై చెల్లిస్తున్న వడ్డీకి అదనంగా ఒకటి లేదా రెండు శాతం విధిస్తారు. మళ్లీ చేతికి డబ్బులు అందిన వెంటనే తీసుకెళ్లి ఓడీ ఖాతాలో జమ చేసుకోవచ్చు. మళ్లీ అవసరమైనప్పుడు ఓడీ తీసుకోవచ్చు. ఒకవేళ తీసుకుని చెల్లించలేకపోతే నిర్ణీత కాల వ్యవధి తర్వాత డిపాజిట్ ను రద్ధు చేసి రుణం కింద జమ చేసుకుంటారు. ఓడీ ఖాతాలకు కూడా చెక్ బుక్, ఇంటర్నెట్ బ్యాంకింగ్, డెబిట్ కార్డు పొందవచ్చు.

జాయింట్ అకౌంట్స్

ఐదర్ ఆర్ సర్వైవర్: ఉమ్మడి ఖాతాలలో చాలా రకాలు ఉన్నాయి. అందులో ఇదొకటి. ఇది సాధారణ జాయింట్ అకౌంట్. ఇద్దరు వ్యక్తులు దీన్ని ఆపరేట్ చేసుకోవచ్చు. ఇద్దరూ వేర్వేరు నామినీలను సూచించవచ్చు. మరణం సంభవిస్తే నామినీకి చెల్లించాల్సినది ఉంటే చెల్లిస్తారు. ఇద్దరిలో మిగిలిన వ్యక్తి ఖాతాను కొనసాగించుకోవచ్చు. 
ఎనీవన్ ఆర్ సర్వైవర్: పై ఖాతా వలే ఇది కూడా. కాకపోతే ఇక్కడ ఇద్దరికంటే ఎక్కువ మంది ఖాతాను ఆపరేట్ చేయవచ్చు. భార్య, తల్లీ తండ్రి కూడా తన ఖాతాను ఆపరేట్ చేసుకోవాలంటే ఈ ఖాతా తీసుకోవచ్చు. ఖాతాదారుల్లో ఒకరు మరణించినా మిగిలిన వారు అదే ఖాతాను నిక్షేపంగా కొనసాగించుకోవచ్చు. 
ఫార్మర్ ఆర్ సర్వైవర్: ఈ ఖాతాలో మొదటి ఖాతాదారుడు మాత్రమే ఖాతాను నిర్వహించుకోవడానికి అవకాశం ఉంటుంది. మొదటి ఖాతాదారుడు మరణించిన సందర్భాల్లోనే రెండో ఖాతాదారుడు ఖాతాను కొనసాగించుకోవచ్చు. 
లేటర్ లేదా సర్వైవర్: ఈ ఖాతాను ఉమ్మడి ఖాతాదారుల్లో రెండో ఖాతాదారుడు మాత్రమే నిర్వహించడానికి అనుమతి ఉంటుంది. రెండో ఖాతాదారుడు మరణించిన సందర్భాల్లోనే మొదటి ఖాతాదారుడు ఆపరేట్ చేయడానికి అవకాశం వస్తుంది. 
జాయింట్లీ: ఏ లావాదేవీ అయినా ఈ ఖాతాలో ఇద్దరు ఖాతాదారుల సమ్మతి ఉండాలి. ఇద్దరిలో ఒకరు మరణిస్తే రెండో వారు ఖాతా కొనసాగించడానికి అవకాశం ఉండదు. నగదు నిల్వలు ఉంటే మిగిలిన ఖాతాదారుడికి చెల్లించేస్తారు.

జాయింట్లీ ఆర్ సర్వైవర్

ఇందులో ఇద్దరు ఖాతాదారులు కలసి ఖాతాను నిర్వహించుకోవచ్చు. ఒకరు మరణిస్తే రెండో వ్యక్తి తన పేరు మీదకు మార్చుకోవచ్చు. జాయింట్ అకౌంట్లలో ఉమ్మడి ఖాతాదారుల్లో ఒకరిని తొలగించడం, మరొకరిని యాడ్ చేసుకోవడానికి వీలుంటుంది. కాకపోతే అందుకు ఉమ్మడి ఖాతాదారులు అంగీకరించాలి.

మైనర్ ఖాతాలు

బ్యాంకుల్లో మైనర్ల పేరిట కూడా పలు రకాల ఖాతాలు నిర్వహించుకోవచ్చు. పదేళ్లు నిండే వరకు తల్లి లేదా తండ్రి లేదా సంరక్షకుడు ఖాతా ఆపరేట్ చేయడానికి అనుమతి ఉంటుంది. పదేళ్లు దాటిన వారు స్వతంత్రంగా ఖాతా నిర్వహించుకోవచ్చు. కానీ లావాదేవీల విషయంలో పరిమితులు ఉన్నాయి. 18 ఏళ్లు వచ్చిన తర్వాత ఆ ఖాతాను తాను కొనసాగిస్తానని మైనారిటీ తీరిన వ్యక్తి స్పష్టం చేసే వరకూ అందులో లావాదేవీలను అనుమతించరు.

సీనియర్ సిటిజన్స్ అకౌంట్స్

సేవింగ్స్, ఇతర ఖాతాల నిబంధనలు వృద్ధులకు కూడా సమానమే. కాకపోతే డిపాజిట్లపై వీరికి 0.5 శాతం నుంచి 0.75 శాతం వరకు అదనంగా వడ్డీ చెల్లిస్తున్నాయి బ్యాంకులు. దీనికి తోడు సీనియర్ సిటిజన్స్ సేవింగ్స్ స్కీమ్ ఖాతాను కేంద్ర ప్రభుత్వం తాజాగా బ్యాంకుల్లోనూ ఓపెన్ చేసుకునేందుకు అనుమతించింది.

సీనియర్ సిటిజన్ సేవింగ్స్ స్కీమ్ (పెద్దల పొదుపు పథకం)

ఇది డిపాజిట్ పథకం. ఇప్పటి వరకు పోస్టాఫీసుల్లోనే అందుబాటులో ఉంది. 2016-17 కేంద్ర బడ్జెట్ సందర్భంగా ఆర్థిక మంత్రి ఈ సదుపాయాన్ని బ్యాంకులకు కూడా విస్తరించారు. ఈ పథకం కింద డిపాజిట్ పై 8.6శాతం వడ్డీని ప్రతి మూడు నెలలకు చెల్లిస్తారు. దీనికి ఆదాయపన్ను పూర్తిగా మినహాయింపు ఉంది. 60 ఏళ్లు నిండిన వారు అర్హులు. ముందస్తు పదవీ విరమణ చేస్తే 55 ఏళ్లకు కూడా ఇందులో చేరవచ్చు. జీవిత భాగస్వామితో కలసి ప్రారంభించవచ్చు. కాకపోతే మొదటి ఖాతాదారుడు సీనియర్ సిటిజన్ అయి ఉంటే చాలు. కనీసం వెయ్యి రూపాయలు గరిష్ఠం 15 లక్షల వరకు డిపాజిట్ చేసుకోవచ్చు. హిందూ అవిభాజ్య కుటుంబం, ఎన్ఆర్ఐలకు ఈ పథకంలో చేరేందుకు అవకాశం లేదు. పథకం గడువు ఐదేళ్లు. తర్వాత మూడేళ్లు పొడిగించుకోవచ్చు.

రికరింగ్ డిపాజిట్

నెలనెలా క్రమం తప్పకుండా కనీస మొత్తాన్ని పొదుపు చేసుకుంటూ దానిపై వడ్డీ గడించే ఖాతా ఇది. అన్ని బ్యాంకులు, పోస్టాఫీసులు అందిస్తున్నాయి. పోస్టాఫీసు కంటే బ్యాంకుల్లో ఆర్డీ ఖాతాలే అదనపు ప్రయోజనాలను కలిగి ఉన్నాయి. 100 రూపాయల నుంచి కూడా నెల నెలా ఆర్డీలో పొదుపు చేసుకోవచ్చు. కనీస మొత్తం అనేది బ్యాంకులను బట్టి మారుతూ ఉంటుంది. ఆరు నెలల నుంచి పదేళ్ల వరకు గడువు ఎంపిక చేసుకోవచ్చు. బ్యాంకుల్లో ఫిక్స్ డ్ డిపాజిట్లపై చెల్లించే వడ్డీయే ఆర్డీకి కూడా వర్తిస్తుంది. ఐదేళ్లకు ఆర్డీ ఓపెన్ చేస్తే డిపాజిట్లపై ఐదేళ్ల కాలానికి బ్యాంకులు ఆఫర్ చేస్తున్న వడ్డీ రేటే ఆర్డీ ఖాతాకు కూడా అమలవుతుంది. అధిక శాతం బ్యాంకులు మూడు నెలలకోసారి వడ్డీని లెక్కించి (క్వార్టర్లీ కాంపౌండెడ్) అసలుకు కలుపుతున్నాయి. సీనియర్ సిటిజన్లు అరశాతం ఎక్కువ వడ్డీని పొందవచ్చు. 
గడవుకు ముందుగా నగదు ఉపసంహరణకు అవకాశం కల్పించినా... కొంత మొత్తాన్ని కోత కోసుకుంటాయి బ్యాంకులు. అయితే, కొన్ని బ్యాంకులు ఆర్డీ ఖాతాలో జమైన మొత్తంపై ఏడాది తర్వాత నుంచి ఓడీ సదుపాయాన్ని కల్పిస్తున్నాయి. ఉదాహరణకు ఒక ఏడాదిలో 24 వేలు జమ అయితే, దానిపై 80 నుంచి 90 శాతం అంటే సుమారు 20వేల రూపాయలను అత్యవసరాలలో డ్రా చేసుకోవచ్చు. దీన్ని తిరిగి చెల్లించాలి. వడ్డీ రేటు డిపాజిట్ రేటుపై అదనంగా ఒకటి నుంచి రెండు శాతం ఉంటుంది. వ్యక్తులు, మైనర్ల పేరిట ఆర్డీ ఖాతాలు తెరచుకోవచ్చు. ప్రవాస భారతీయులు కూడా వీటిని తెరవచ్చు. కొన్ని బ్యాంకులు వడ్డీ ఆదాయంపై టీడీఎస్ ను అమలు చేస్తుండగా... కొన్ని టీడీఎస్ నుంచి మినహాయింపు ఇస్తున్నాయి. అంటే బ్యాంకులు వడ్డీలోంచి టీడీఎస్ ను మినహాయించవు. వ్యక్తులు వారి వారి ఆదాయంలో దీన్ని చూపించి పన్ను వర్తించే ఆదాయం ఉంటే కట్టాల్సి ఉంటుంది.

ఫ్లెక్సీ రికరింగ్ డిపాజిట్

పేరులో ఉన్నట్టే సాధారణ ఆర్డీ ఖాతాకు అదనపు సౌకర్యాలతో కూడినదే ఫ్లెక్సీ ఆర్డీ ఖాతా. ఉదాహరణకు ఓ వెయ్యి రూపాయల మొత్తంతో పదేళ్ల కాలానికి ఫ్లెక్సీ ఆర్డీ ఓపెన్ చేస్తే నెలనెలా నిర్ణీత తేదీలోపే వెయ్యి రూపాయలు డిపాజిట్ చేస్తూ వెళ్లాలి. ఎప్పుడైనా అదనంగా మీ దగ్గర నగదు ఉన్నా... బోనస్ వచ్చినా ఆ మొత్తాన్ని ఫ్లెక్సీ ఆర్డీలో జమ చేసుకోవచ్చు. జమ చేసే రోజున ఉన్న వడ్డీ రేటు ఆ మొత్తానికి అమలవుతుంది. అసలు వెయ్యి రూపాయలకు వడ్డీ రేటు మాత్రం ఖాతా తెరచిన రోజు ఉన్నరేటే అమలవుతుంది. కొన్ని బ్యాంకులు గడువుకు ముందే ఫ్లెక్సీ ఆర్డీ ఖాతాలను క్లోజ్ చేసినా పెనాల్టీ విధించడం లేదు. పోటీకొద్దీ బ్యాంకులు ఇలా కొన్ని ఆఫర్లు ఇస్తున్నాయి.

ఒకటి లేదా రెండు

సాధారణంగా రెండు బ్యాంకు ఖాతాలకు మించి ఉంటే ఉపయోగం లేదని నిపుణులు చెబుతుంటారు. ఖాతాలు ఎక్కువైనకొద్దీ వాటి లావాదేవీలను పరిశీలించుకునే సమయం ఉండదు. అన్నింటికీ డెబిట్ కార్డులు, వాటిపై వార్షిక చార్జీల భారం ఉంటుంది. ఇంటర్నెట్ బ్యాంకింగ్ పాస్ వర్డులు, యూజర్ నేమ్స్ ఇవన్నీ గుర్తించుకోవడం కూడా తలనొప్పే. జీరో బ్యాలన్స్ అయితే ఫర్వాలేదు, అలా కాకుండా అన్నీ మినిమమ్ బ్యాలన్స్ ఉంచాల్సిన ఖాతాలు అయితే వడ్డీ దండగే కదా. దీనికంటే వేతనానికి ఒకటి. నగదు చెల్లింపులన్నింటికీ ఒక ఖాతా ఉండడం సౌకర్యమని నిపుణుల సూచన. శాలరీ పడిన వెంటనే ఆ మొత్తాన్ని వేరే ఖాతాకు మార్చి ఖర్చులన్నీ దాన్నుంచి చేయడం వల్ల లావాదేవీలపై స్పష్టత ఉంటుంది. ఆదాయపన్ను శాఖ కళ్లు గప్పేందుకు చాలా ఖాతాలు నిర్వహించడం ప్రస్తుత రోజుల్లో తెలివైన నిర్ణయం కాదు. ఎందుకంటే అన్నిబ్యాంకులు ఖాతాదారుల నుంచి పాన్ నంబర్ తీసుకుంటున్నాయి. ఒక పాన్ నంబర్ తో ఎక్కడ ఏమున్నా ఐటీ వాళ్లు సులువుగా తెలుసుకోగలరు. 

ఇంటివద్ధ నుండే సులువుగా పాన్ కార్ద్ పొందడం ఎలా...?

బ్యాంకు ఖాతాతో మొదలు పెడితే ప్రాపర్టీ కొనుగోలు వరకు అన్ని ముఖ్యమైన ఆర్థిక లావాదేవీలకు పాన్ కార్డు కావాల్సిందే. అలాంటి పాన్ కార్డుకు ఇంటి నుంచే దరఖాస్తు చేసి సులభంగానే ఇంటికి తెప్పించుకోవచ్చు. ఇంటర్నెట్ సదుపాయం ఉన్న కంప్యూటర్ ఉంటే చాలు. ఆన్ లైన్ లో దరఖాస్తు చేసుకుంటే, పాన్ కార్డు నేరుగా ఇంటికే వచ్చేస్తుంది. పాన్ కార్డు పొందేందుకు గుర్తింపు ధ్రువీకరణపత్రం, చిరునామా ధ్రువీకరణ పత్రం, పుట్టిన తేదీ ధ్రువపత్రం, రెండు పాస్ పోర్ట్ సైజు ఫొటోలు ఉంటే చాలు. అంతేకాదు, పాన్ కార్డులో మార్పులు చేర్పులు కూడా ఎవరికివారు ఆన్ లైన్ ద్వారా సులభంగానే చేసుకోవచ్చు.

ధ్రువీకరణ పత్రం

ఆధార్ కార్డు, ఓటర్ ఐడీ, డ్రైవింగ్ లైసెన్స్, పాస్ పోర్ట్, రేషన్ కార్డు (అందులో దరఖాస్తుదారుడి ఫొటో ఉంటేనే చెల్లుతుంది), ఆయుధాల లైసెన్స్ పత్రం, కేంద్ర, రాష్ట్ర ప్రభుత్వాలు, ప్రభుత్వ రంగ సంస్థలు జారీ చేసే ఫొటో గుర్తింపు పత్రం, ఫొటోతో కూడిన పెన్షనర్ కార్డు, కేంద్ర ప్రభుత్వ ఆరోగ్య పథకం కార్డు లేదా ఎక్స్ సర్వీస్ మెన్ ఆరోగ్య పథకం ఫొటో గుర్తింపు కార్డు, పార్లమెంటు సభ్యుడు లేదా శాసనసభ్యుడు లేదా మున్సిపల్ కౌన్సిలర్ లేదా గెజిటెడ్ హోదా అధికారి సంతకంతో కూడిన గుర్తింపు పత్రం, బ్యాంక్ లెటర్ హెడ్ తో కూడిన ధ్రువీకరణ పత్రాలు చెల్లుబాటవుతాయి.

చిరునామా ధ్రువీకరణ

ఫొటో ధ్రువీకరణ పత్రంతోపాటు చిరునామా ధ్రువీకరణ పత్రాన్ని కూడా సమర్పించాల్సి ఉంటుంది. ఆధార్ కార్డు, ఓటర్ ఐడీ, డ్రైవింగ్ లైసెన్స్, పాస్ పోర్ట్, దరఖాస్తుదారుడి చిరునామాతో కూడిన పోస్టాఫీసు పాస్ బుక్, తాజాగా జారీ చేసిన ఆస్తి పన్ను అసెస్ మెంట్ ఆర్డర్ కాపీ, ప్రభుత్వం జారీ చేసిన నివాస ధ్రువీకరణ పత్రం, కేంద్ర, రాష్ట్ర ప్రభుత్వాలు జారీ చేసిన వసతి సదుపాయం కేటాయింపు పత్రం, ఆస్తి రిజిస్ట్రేషన్ పత్రం, పార్లమెంట్ సభ్యుడు, ఎమ్మెల్యే, మున్సిపల్ కౌన్సిలర్, గెజిటెడ్ హోదా ఉన్న ప్రభుత్వ అధికారి ధ్రువీకరించిన నివాస పత్రం అడ్రస్ ప్రూఫ్ గా చెల్లుతాయి. అలాగే, విద్యుత్ బిల్లు, ల్యాండ్ లైన్ టెలిఫోన్ బిల్లు, బ్రాడ్ బ్యాండ్ కనెక్షన్ బిల్లు, వాటర్ బిల్లు, వంటగ్యాస్ పాస్ పుస్తకం లేదా బిల్లు, బ్యాంకు ఖాతా స్టేట్ మెంట్, డిపాజిటరీ అకౌంట్ (డీపీ) స్టేట్ మెంట్, క్రెడిట్ కార్డు స్టేట్ మెంట్ కూడా నివాస ధ్రువీకరణలుగా చెల్లుతాయి. కాకపోతే దరఖాస్తు తేదీకి ఈ బిల్లులు మూడు నెలల లోపు జారీ చేసి ఉండాలి.

పుట్టిన తేదీ ధ్రువీకరణ పత్రాలు

ఆధార్ కార్డు, ఓటర్ ఐడీ, పాస్ పోర్ట్, డ్రైవింగ్ లైసెన్స్, మున్సిపాలిటీ జారీ చేసిన పుట్టిన తేదీ ధ్రువీకరణ పత్రం, పెన్షన్ పేమెంట్ ఆర్డర్, పదో తరగతి సర్టిఫికెట్, రిజిస్ట్రార్ జారీ చేసిన వివాహ ధ్రువీకరణ పత్రం, మేజిస్ట్రేట్ సంతకం చేసిన పుట్టినతేదీ అఫిడవిట్ కాపీలను పరిగణనలోకి తీసుకుంటారు. 
ఒకవేళ మైనర్ల పేరిట కార్డుకు దరఖాస్తు చేస్తున్నట్టయితే తల్లిదండ్రుల్లో ఒకరు లేదా సంరక్షకుడికి సంబంధించిన ధ్రువీకరణ పత్రాలను సమర్పించాల్సి ఉంటుంది. ఒక్క పుట్టిన తేదీ ధ్రువీకరణ మాత్రం చిన్నారులకు సంబంధించినదే ఇవ్వాలి. జారీ చేసే కార్డుపై కూడా చిన్నారుల ఫొటోను ముద్రించారు. పెద్దయ్యే సరికి వారి గుర్తింపులో మార్పులు వస్తాయని అలా చేస్తారు. 18 ఏళ్లు నిండిన తర్వాత తాజా పాస్ పోర్టు ఫొటోలతో పాన్ కార్డు కరెక్షన్ కోసం దరఖాస్తు చేసుకోవాల్సి ఉంటుంది. ధ్రువీకరణ పత్రాల విషయంలో మరిన్ని వివరాలను https://www.utiitsl.com లింక్ నుంచి తెలుసుకోవచ్చు. 
యూటీఐ ఇన్ ఫ్రాస్ట్రక్చర్ టెక్నాలజీ అండ్ సర్వీసెస్ లిమిటెడ్ (యూటీఐఐటీఎస్ఎల్), ఎన్ఎస్డీఎల్ సంస్థలు ఆదాయపన్ను శాఖ తరఫున పాన్ కార్డు జారీ వ్యవహారాలను చూస్తున్నాయి. వీటికి సంబంధించిన వెబ్ సైట్ చిరునామాలు... 
https://tin.tin.nsdl.com/pan/ 
https://www.utiitsl.com/UTIITSL_SITE/site/pan/#one

దరఖాస్తు చేసుకునే విధానం

* కంపెనీలు, వ్యాపార సంస్థలు సాధారణంగా మధ్యవర్తిత్వ సంస్థల ద్వారా పాన్ కార్డు వంటి సేవలను వినియోగించుకుంటాయి కనుక ఇక్కడ సాధారణ వ్యక్తుల దరఖాస్తు విధానం వివరాలను పేర్కొంటున్నాము. 
* ఎన్ఎస్డీఎల్ కంటే యూటీఐఐటీఎస్ఎల్ ద్వారా దరఖాస్తు విధానం సులభంగా ఉంటుంది. కనుక ఈ సంస్థ ద్వారా దరఖాస్తు చేసుకోవాలనుకుంటే https://www.utiitsl.com/ వెబ్ సైట్ లోకి లాగిన్ అవ్వాలి. ఎడమచేతి వైపు అప్లయ్ యాజ్ ఏ రెసిడెంట్ ఇండియన్ కాలమ్ ఉంటుంది. అక్కడ మళ్లీ అప్లయ్ ఫర్ పాన్ కార్డు (ఫామ్ 49ఏ) ఆప్షన్ కనిపిస్తుంది. దాన్ని క్లిక్ చేస్తే ఫామ్ 49 ఏ ఓపెన్ అవుతుంది. అన్ని వివరాలను నమోదు చేయాలి. పేజీ పై భాగంలోనే గైడ్ లైన్స్ కూడా ఉంటాయి. వాటిని చదవడం ద్వారా ముందు స్పష్టతకు రావచ్చు. ఆ గైడ్ లైన్స్ ఏంటో తెలుసుకోవాలంటే http://www.myutiitsl.com/ నేరుగా ఈ లింక్ ను క్లిక్ చేసినా తెలుసుకోవచ్చు. అన్ని కాలమ్ లలో వివరాలను నమోదు చేసిన తర్వాత పేమెంట్ ఆప్షన్ ఎంచుకుని సబ్ మిట్ బటన్ క్లిక్ చేయాలి. 
* భారతీయులు అయితే 107 రూపాయలు, దేశం వెలుపల ఉన్నవారు అయితే 989 రూపాయలు చెల్లించాల్సి ఉంటుంది. సర్వీసు ట్యాక్సుల్లో మార్పుల వల్ల ఈ చార్జీల్లో కొంత మార్పులు ఉండవచ్చు. ఆ తర్వాత సబ్ మిట్ క్లిక్ చేస్తే అప్పటి వరకు ఫిల్ చేసిన అప్లికేషన్ ఫామ్ కనిపిస్తుంది. ఆ వివరాలన్నీ చెక్ చేసుకుని కన్ ఫర్మ్ చేయాలి. తర్వాత పేజీలో పేమెంట్ నిబంధనలు కనిపిస్తాయి. అలాగే ట్రాన్సాక్షన్ నెంబర్ ఉంటుంది. దాన్ని ఎక్కడన్నా రాసి పెట్టుకుని అగ్రీ (ఆమోదాన్ని తెలుపుతూ) బటన్ క్లిక్ చేసి పేమెంట్ పూర్తి చేయాలి. నెట్ బ్యాంకింగ్, క్రెడిట్ కార్డు, డెబిట్ కార్డు ద్వారా డబ్బులు చెల్లించవచ్చు. 
* పేమెంట్ ప్రక్రియ సక్సెస్ అయిన తర్వాత అప్పటి వరకు పూర్తి చేసిన అప్లికేషన్ ఫామ్ కనిపిస్తుంది. దాన్ని సేవ్ చేసుకుని ప్రింట్ తీసుకోవాలి. దానిపై మూడు చోట్ల సంతకాలు చేయాల్సి ఉంటుంది. రెండు ఫోటోలను పేస్ట్ చేయాలి. ఈ ఫొటోలు 3.5 ఇంటూ 2.5 సైజులో ఉండాలి. వీటిని గమ్ తో అంటించాలే కానీ పిన్ లతో అటాచ్ చేయరాదు. ఇటీవల తీసినవై స్పష్టతతో ఉండాలి. ఎందుకంటే పాన్ కార్డుపై ఇదే ఫొటో కనిపిస్తుంది. ఎడమ చేతి వైపు అంటించిన ఫొటోపై నుంచి ఫామ్ పైకి వచ్చేలా సంతకం, లేదా వేలి ముద్ర వేయాలి. వేలిముద్ర అయితే దాన్ని మేజిస్ట్రేట్ లేదా నోటరీ లేదా గెజిటెట్ అధికారి ధ్రువీకరిస్తూ వారి అధికారిక స్టాంప్ వేయాల్సి ఉంటుంది. 
* అప్లికేషన్ తోపాటు గుర్తింపు, నివాస, పుట్టినతేదీ ధ్రువీకరణ పత్రాల (ఇవన్నీ దరఖాస్తులోని వివరాలతో సరిపోలాలి)ను అటాచ్ చేసి కింది చిరునామాల్లో ఒక దానికి పంపాల్సి ఉంటుంది. దరఖాస్తు చేసిన తర్వాత 15 రోజుల్లోపు చేరేలా పంపాలి. 
* PAN PDC Incharge – Mumbai region, UTI Infrastructure Technology And Services Limited, Plot No. 3, Sector 11, CBD Belapur, NAVI MUMBAI – 400614, Tel No:(022)67931300 
* PAN PDC Incharge – Chennai region, UTI Infrastructure Technology And Services Limited, STC Trade Centre, First Floor, A-29, Thiru- Vi- Ka Industrial Estate, Guindy, CHENNAI - 600032, Tel No:(044) 22500426 
* PAN PDC Incharge – Kolkata region, UTI Infrastructure Technology And Services Limited, 29, N. S. Road, Ground Floor, Opp. Gilander House and Standard Chartered Bank, KOLKATA - 700001, Tel No:(033) 22108959 / 22424774 
* PAN PDC Incharge - New Delhi region, UTI Infrastructure Technology And Services Limited, Ground Floor, Jeevan Tara Building, Opp. Patel Chowk Metro Station, 5 Parliament Street, NEW DELHI – 110001, Tel No:(011) 23741282-86

ఎన్ఎస్డీఎల్ ద్వారా దరఖాస్తుకు...

* ముందు https://tin.tin.nsdl.com/pan/ వెబ్ సైట్ లోకి లాగిన్ అవ్వాలి. కొత్త కార్డు కావాలా? పాన్ కార్డులో మార్పులు చేసుకోవాలా? ఇలా పలు ఆప్షన్లు కనిపిస్తాయి. వాటిలో కావాల్సిన ఆప్షన్ ను ఎంపిక చేసుకోవాల్సి ఉంటుంది. ‘న్యూ పాన్ ఫర్ ఇండియన్ సిటిజన్స్’ సెలక్ట్ చేసుకుంటే ఓ పేజీ ఓపెన్ అవుతుంది. అందులో గైడ్ లైన్స్ తోపాటు ఫామ్ 49ఏ కనిపిస్తుంది. 49ఏను క్లిక్ చేస్తే పేజీ పై భాగంలో గైడ్ లైన్స్ కనిపిస్తాయి. వాటిని ఒకసారి చదివి పేజీ కింది భాగానికి వెళితే అక్కడ అప్లయ్ ఫర్ న్యూ పాన్ కార్డు బటన్ కనిపిస్తుంది. అందులో వ్యక్తులు, హిందూ అవిభాజ్య కుటుంబమా, కంపెనీలా అనే ఆప్షన్లు ఉంటాయి. దానిలో ఇండివిడ్యువల్ క్లిక్ చేయడం ద్వారా 49ఏ ఫామ్ ఓపెన్ అవుతుంది. 
* 49ఏ ఫామ్ లో పైన ఏరియా కోడ్, ఏవో (AO) టైప్, రేంజ్ కోడ్, ఏవో (AO)నంబర్ తెలియజేయాల్సి ఉంటుంది. ఇవి తెలియని పక్షంలో అక్కడే ఉన్న ‘ఫర్ నాన్ ఇంటర్నేషనల్ టాక్సేషన్ ఏవో డిటెయిల్స్’ ఆప్షన్ క్లిక్ చేయడం ద్వారా వివరాలు తెలుసుకోవచ్చు. అప్పటికీ సందేహాలుంటే ఇన్ కమ్ ట్యాక్స్ హెల్ప్ లైన్ నంబర్ 18001801961కు కాల్ చేస్తే సిబ్బంది సరైన వివరాలు ఇవ్వడంలో సాయం అందిస్తారు. ఆ తర్వాత మిగిలిన వివరాలన్నీ నమోదు చేసిన తర్వాత పేమెంట్ ఆప్షన్ సెలక్ట్ చేసుకోవాలి. 
* క్రెడిట్, డెబిట్, నెట్ బ్యాంకింగ్, డీడీలలో ఏదేనీ ఒక ఆప్షన్ సెలక్ట్ చేసుకుని అందుకు సంబంధించిన వివరాలు ఇవ్వాలి. ఆ తర్వాత సబ్ మిట్ బటన్ క్లిక్ చేయాలి. అప్పుడు అప్లికేషన్ ఫామ్ కనిపిస్తుంది. దానిలోని వివరాలన్నీ సరిగా ఉంటే కన్ ఫర్మ్ చేయాలి. అప్పుడు పేమెంట్ ప్రక్రియ మొదలు అవుతుంది. క్రెడిట్, డెబిట్, నెట్ బ్యాంకింగ్ సెలక్ట్ చేసుకుంటే పేమెంట్ గేట్ వేకు వెళుతుంది. అక్కడ నగదు చెల్లింపు పూర్తి చేయాల్సి ఉంటుంది. డీడీ అయితే 'NSDL - PAN' ముంబైలో చెల్లింపయ్యేలా (పేయబుల్ ఎట్ ముంబై) తీయాల్సి ఉంటుంది. దరఖాస్తుకు ముందే డీడీ ప్రక్రియ పూర్తి చేసి ఉండాలి. ఎందుకంటే దరఖాస్తులో డీడీ వివరాలు ఇవ్వాల్సి ఉంటుంది. 
* పేమెంట్ ప్రక్రియ పూర్తయిన తర్వాత 15 అంకెల అక్నాలెడ్జ్ మెంట్ నంబర్ వస్తుంది. ఆ పేజీని ప్రింట్ తీసుకోవాలి. రెండు ఫోటోలు అంటించి, సంతకాలు చేయాలి. అన్ని ధ్రువీకరణ పత్రాలు, డీడీ (డీడీ ఆప్షన్ సెలక్ట్ చేసుకుని ఉంటే)లను జతచేయాలి. కవర్ పై ‘APPLICATION FOR PAN.. 15 అంకెల అక్నాలెడ్జ్ నంబర్ ను రాసి, ఈ కింది చిరునామాకు 15 రోజుల్లోగా పంపాల్సి ఉంటుంది. 
NSDL e-Governance Infrastructure Limited, 5th floor, Mantri Sterling, Plot No. 341, Survey No. 997/8, Model Colony, Near Deep Bungalow Chowk, Pune - 411016 
* డీడీ రూపంలో పంపే దరఖాస్తు అయితే పాన్ కార్డు జారీకి మూడు నాలుగు రోజులు ఎక్కువ సమయం తీసుకుంటుంది. ఎన్ఎస్డీఎల్ దరఖాస్తు ప్రక్రియకు సంబంధించి ఏమైనా సందేహాలు ఉన్నా, దరఖాస్తు చేసిన తర్వాత స్టేటస్ తెలుసుకోవాలంటే, ఆ వెబ్ సైట్లో చెక్ చేసుకోవచ్చు. మన దరఖాస్తు పరిస్థితిని చెప్పడమే కాకుండా, దరఖాస్తును పెండింగులో పెడితే అందుకు సంబంధించిన వివరాలను కూడా అక్కడ ఇస్తారు. ఏవైనా పంపించవలసిన పత్రాలు వుంటే వాటి వివరాలు కూడా ఇస్తారు. ఇంకా కాల్ సెంటర్ కు 020 - 27218080 కాల్ చేసి కూడా తెలుసుకోవచ్చు. 
* ఈ రెండు మార్గాల్లో దరఖాస్తు కష్టంగా అనిపించిన వారు https://www.applypanonline.com/ అనే సంస్థ సాయంతోనూ పాన్ కార్డుకు దరఖాస్తు చేసుకోవచ్చు. ఇవి కాక యూటీఐ అథరైజ్డ్ పాన్ కార్డ్ సెంటర్లు, ఏజెంట్లు కూడా ఉంటారు. కాకపోతే మధ్యవర్తుల ద్వారా అయితే కొంచెం ఎక్కువ ఖర్చు భరించడానికి సిద్ధం కావాలి.

BEWARE OF STONE DRILL VIRUS...

కంప్యూటర్ హార్డ్‌డిస్క్ డ్రైవ్‌లోని డేటా మొత్తాన్ని పూర్తిగా తుడిచిపెట్టేస్టోన్నమాల్వేర్ ఒకటి ఇంటర్నెట్‌లో హల్‌చల్ చేస్తోంది. ప్రముఖ సెక్యూరిటీ కంపెనీ Kaspersky Lab ఈ మాల్వేర్‌ను స్టోన్‌డ్రిల్‌గా గుర్తించింది.

ఈ మాల్వేర్‌లో spy చేయటానికి అవసరమైన మాడ్యుల్స్‌తో పాటు ఫైల్స్‌లోని డేటాను ఎన్‌క్రిప్ట్ చేయగలిగే ransomwareను కూడా హ్యాకర్లు ఉంచినట్లు క్యాస్పర్ స్కై చెబుతోంది. 32బిట్, 64బిట్ కాన్ఫిగరేషన్‌లతో కూడిన కంప్యూటర్‌లలో, ఒక్కసారి గనుక ఈ మాల్వేర్ ఇన్‌స్టాల్ అయినట్లయితే ఆ కంప్యూటర్‌లలోని డేటా మొత్తం హ్యాకర్ల చేతిలోకి వెళ్లిపోతుంది.

గతంలో ఇటువంటి మాల్వేర్ ఒకటి సౌదీ అరేబియా కంపెనీకి చెందిన 35,000 కంప్యూటర్లను హ్యాక్ చేసిన వాటిలోని డేటాను పూర్తిగా తుడిచి పెట్టేసింది. యాంటీవైరస్ అలానే ఇతర సెక్యూరిటీ మెకానిజమ్స్ ద్వారా ఈ మాల్వేర్ కంప్యూటర్ లలోకి ప్రవేశించే ఆస్కారం ఉందని Kaspersky Lab హెచ్చరిస్తోంది

Ransomware అంటే ఏంటి..?   పిల్లల్ని కిడ్నాప్ చేసి డబ్బులను డిమాండ్ చేయటం, ఇవ్వకపోతే వాళ్లని హతమార్చటం వంటి ఉదంతాలను సినిమాల్లో మనం చూస్తూనే ఉంటాం. సరిగ్గా అలాంటిదే ఈ Ransomware. మీ కంప్యూటర్‌లోని ముఖ్యమైన డేటాను మీకు తెలియకుండా దొంగిలించి, దాన్నీ మీకు తిరిగిచ్చేందుకు చేసే బ్లాక్‌మెయిలింగ్‌‌నే రాన్సమ్‌వేర్‌గా కంప్యూటర్ పరిభాషలో మనం అభివర్ణించుకుంటున్నాం. Ransomwareకు సంబంధించి టెక్నికల్ భాగాన్ని పరిశీలించినట్లయితే...

క్రిమినల్స్ సృష్టించే ఒక మాల్వేర్ Ransomware అనేది సైబర్ క్రిమినల్స్ సృష్టించే ఒక మాల్వేర్. దీన్నీ మీ పీసీలో హోస్ట్ చేసినట్లయితే, మీ అనుమతి లేకుండానే డివైస్ మొత్తం లాక్ అయిపోతుంది. అంతేకాదు, ఫోన్ ఆపరేషన్ మొత్తం అటాకర్స్ చెప్పుచేతుల్లోకి వెళ్లిపోతుంది.ఇక్కడి నుంచి సైబర్ క్రిమినల్స్ మిమ్మల్ని బ్లాక్ మెయిల్ చేయటం ప్రారంభిస్తారు. కొంత నగదు చెల్లిస్తేనే ఫోన్‌ను అన్‌లాక్ చేస్తామని హెచ్చరికలు పంపుతుంటారు. ఈ నగదు చెల్లింపు అనేది బిట్ కాయిన్స్ ఇంకా ఇతర డిజిటల్ కరెన్సీల రూపంలో చేయాల్సి ఉంటుంది.
Ransomware అనేది చాలా రకాలుగా ఉంటుంది. గుర్తుపట్టలేని విధంగా ఉండే Ransomware ఫైల్, మీ కంప్యూటర్‌లోకి సాదారణ ఫైల్ మాదిరిగానే ఉంటుంది. ఈ ప్రమాదకర ఫైల్ గనుక మీ కంప్యూటర్‌లోకి చొరబడినట్లయితే పీసీలోని అన్ని ఫైల్స్ మీకు తెలియకుండానే ఒక్కొక్కటికి ఎన్‌క్రిప్ట్ కాబడతాయి. ఈ ప్రక్రియ పూర్తి అయిన వెంటనే సిస్టం మొత్తం ఎన్‌క్రిప్ట్ కాబడినట్లు ఓ ఎర్రర్ మెసేజ్ స్ర్కీన్ పై ప్ర్తత్యక్షమవుతుంది.


పీసీలో లాక్ చేసిన డేటాను అన్‌లాక్ చేయాలంటే పెద్దమొత్తంలో నగదు తమకు చెల్లించాలని హ్యాకర్లు డిమాండ్ చేస్తుంటారు. ఒకవేళ ఆ మొత్తం వాళ్లకు చెల్లించినా, మొత్తం సమాచారం వచ్చే అవకాశం తక్కువేనని సైబర్ నిపుణులు చెబుతున్నారు. ఒకవేళ వాళ్లు డిమాండ్ చేసిన మొత్తాన్ని నిర్ణీత గడువులోపు చెల్లించిన పక్షంలో డేటా మొత్తాని అటాకర్లు డిలీట్ చేసేస్తారు.

ఏ విధంగానైనా మీ కంప్యూటర్‌లోకి చొరబొడగలదు Ransomware అనేది ఏ విధంగానైనా మీ కంప్యూటర్‌లోకి చొరబొడగలదు. వెబ్ సైట్స్ ద్వారా, ఈమెయిల్స్ ద్వారా, ఇతర మాల్వేర్ల ద్వారా ఏ రూపంలోనైనా మీ డివైస్ లోకి చొరబడగలదు. కాబట్టి ఈ విషయాల్లో చాలా జాగ్రత్తగా ఉండాలి.

GOOD NEWS FOR CHOCOLATE LOVERS

Eating chocolates are good for health

Chocolate was once proven good for health as it contains many useful anti-oxidants and is also shown to be good for cardiac functioning. In the latest study conducted regarding health benefits of chocolate, it is proven that it can also help in maintaining lower body mass index (BMI).

People were once advised to compensate calorie intake as they had habit of consuming chocolate regularly. Now it’s proven that chocolate can in fact improve the metabolic rates of the body and help maintain a low BMI and consuming more calories had no effect on weight gain, an anti oxidant in chocolate which contributes towards improving metabolism of the body and it also increases cellular activity in the body contributing towards a lower BMI.

Eating some amount of chocolate regularly contributes towards various health benefits. Consuming chocolate regularly also reduces the risk of cardiac disease, lowers blood pressure, improves insulin levels and also reduce the risk of obesity while improving metabolic activities of the body.

Eating dark chocolate is said to beneficial to health but, according to the recent studies any type of chocolate that contains coca, can provide same results. Eating even little amounts of chocolate per day can reduce the risk of stroke, and also helps making blood vessels more elastic which helps in reducing the blood pressure. Around 6 grams of dark chocolate consumed daily can provide with these health benefits.